પીજીવીસીએલ દ્વારા વીજ બીલ બાકી હોય તેવા જોડાણો ૨૯મી સપ્ટેમ્બરે કપાશે

પશ્ચિમ ગુજરાત વિજ કંપની લિમિટેડ (પીજીવીસીએલ) દ્વારા તેના ગ્રાહકોને વીજળી સેવા અવિરત ચાલુ રાખવા માટે વીજ બીલ સમયસર ભરવા અપીલ કરવામાં આવી છે. જે ગ્રાહકોના વીજ બીલ ભરવાના બાકી છે, તેમને તાત્કાલિક ધોરણે ઓનલાઈન અથવા સંબંધિત કચેરી ખાતે બીલ ભરી દેવા જણાવાયું છે.

પીજીવીસીએલ દ્વારા આગામી ૨૯મી સપ્ટેમ્બર, ૨૦૨૬ (મંગળવાર) ના રોજ વીજ બીલ બાકી હોય તેવા તમામ વીજ જોડાણોને ડિસ્કનેક્ટ કરવાની ડ્રાઈવ હાથ ધરવામાં આવશે. આ કાર્યવાહી અંતર્ગત મોટી સંખ્યામાં ટીમો દ્વારા જોડાણો કાપવામાં આવશે.

આ ડ્રાઈવ દરમિયાન, સ્થળ પર કોઈ પણ પ્રકારનું પેમેન્ટ સ્વીકારવામાં આવશે નહીં. વીજ જોડાણ કપાઈ ગયા બાદ, ગ્રાહકોએ પુરેપુરા બાકી બીલની રકમ સાથે રી-કનેકશન ચાર્જ પણ ભરવો પડશે. તેથી, ગ્રાહકોને સમયસર બીલ ભરીને વીજળી સેવા ચાલુ રાખવા વિનંતી છે.