સુરેન્દ્રનગરમાં પોલીસ અધિક્ષક પ્રેમસુખ ડેલૂની અધ્યક્ષતામાં યોજાઈ ક્રાઇમ કોન્ફરન્સ..

સુરેન્દ્રનગર જિલ્લા પોલીસ અધિક્ષક પ્રેમસુખ ડેલૂનાઓની અધ્યક્ષતામાં એક મહત્વપૂર્ણ ક્રાઇમ કોન્ફરન્સનું આયોજન કરવામાં આવ્યું હતું.આ કોન્ફરન્સનો મુખ્ય ઉદ્દેશ્ય જિલ્લાના તમામ પોલીસ સ્ટેશન વિસ્તારમાં ચાલી રહેલી ગુનાખોરીની પ્રવૃત્તિઓ, ગંભીર ગુનાઓ, પેન્ડિંગ તપાસની સ્થિતિ, ગુનાઓના ડિટેક્શન (ગુના ઉકેલવાની પ્રક્રિયા) અને સમગ્ર કાયદો અને વ્યવસ્થાની સ્થિતિ અંગે ઊંડાણપૂર્વક સમીક્ષા કરવાનો હતો.આ બેઠકમાં જિલ્લાના ઉચ્ચ પોલીસ અધિકારીઓ અને પોલીસ સ્ટેશનના અધિકારીઓએ ભાગ લીધો હતો.દરેક પોલીસ સ્ટેશન વિસ્તારમાં નોંધાયેલા ગુનાઓ, તેના નિવારણ માટે લેવાયેલા પગલાં, અને પેન્ડિંગ કેસોના ઝડપી નિકાલ માટેની રણનીતિઓ પર ચર્ચા કરવામાં આવી. ખાસ કરીને, ગંભીર ગુનાઓ અને તેના ઉકેલની ટકાવારી પર ભાર મૂકવામાં આવ્યો હતો..

પોલીસ અધિક્ષક પ્રેમસુખ ડેલૂએ કાયદો અને વ્યવસ્થા જાળવવા માટે પોલીસ અધિકારીઓને સતર્ક રહેવા અને નાગરિકોની સુરક્ષા સુનિશ્ચિત કરવા નિર્દેશ આપ્યા હતા. તેમણે ગુનાખોરી ડામવા માટે વધુ સઘન પેટ્રોલિંગ અને ગુનેગારો સામે કડક કાર્યવાહી કરવા પર ભાર મૂક્યો હતો. આ ઉપરાંત, જાહેર જનતાના સહયોગથી ગુનાખોરીને નિયંત્રિત કરવા માટેના ઉપાયો અંગે પણ માર્ગદર્શન આપવામાં આવ્યું.