நியாய விலை கடைகளுக்கு அனுப்பப்படும் பொருட்களின் இருப்பு, தரம் குறித்து ஆட்சியர் ஆய்வு

வேலூர் மாவட்ட ஆட்சித்தலைவர் பி.எஸ். லீலா அலெக்ஸ் இன்று (24-ந்தேதி வியாழக்கிழமை) பலவன்சாத்துகுப்பத்தில் உள்ள தமிழ்நாடு நுகர்பொருள் வாணிபக்கழக கிடங்கை நேரில் பார்வையிட்டு ஆய்வு செய்தார்.
அப்போது, நியாய விலை கடைகளுக்கு அனுப்பி வைக்கப்படும் பொருட்களின் இருப்பு, தரம் மற்றும் எடை அளவு ஆகியவற்றை ஆய்வு செய்தார். பொருட்கள் முறையாக பராமரிக்கப்படுகிறதா, உரிய அளவில், குறித்த நேரத்தில் நியாய விலை கடைகளுக்கு அனுப்பப்படுகிறதா என்பது குறித்தும் அதிகாரிகளிடம் கேட்டறிந்தார்.
இந்த ஆய்வின்போது தமிழ்நாடு நுகர்பொருள் வாணிபக் கழக கிடங்கு மண்டல மேலாளர் ரமேஷ் கண்ணா, மாவட்ட வழங்கல் அலுவலர் சரவணன், தனி வட்டாட்சியர் (குடிமைப் பொருள்) தேவிகலா, வேலூர் வட்டாட்சியர் உதயகுமார் உள்ளிட்ட அதிகாரிகள் உடனிருந்தனர்.