શહેરાના કવાલી ગામમાં આંગણવાડી જર્જરિત હાલતમાં, બાળકોના શિક્ષણ પર અસર

શહેરા તાલુકાના કવાલી ગામમાં આવેલી આંગણવાડી છેલ્લા ચાર-પાંચ વર્ષથી જર્જરિત હાલતમાં છે. આંગણવાડીની ઇમારત અત્યંત ખરાબ સ્થિતિમાં હોવાથી બાળકોને શિક્ષણ અને પોષણ પૂરું પાડવામાં મુશ્કેલીઓનો સામનો કરવો પડી રહ્યો છે.

જર્જરિત ઇમારતને કારણે બાળકોના સ્વાસ્થ્ય અને સુરક્ષાને પણ જોખમ ઊભું થયું છે. વરસાદી વાતાવરણમાં અથવા તોતિંગ પવનમાં ઇમારત ધરાશાયી થવાનો ભય રહે છે. સ્થાનિક રહીશો દ્વારા આ અંગે અનેક વખત રજૂઆતો કરવામાં આવી હોવા છતાં કોઈ નક્કર કાર્યવાહી કરવામાં આવી નથી.

આંગણવાડી એ બાળકોના પ્રારંભિક શિક્ષણ અને વિકાસ માટેનું મહત્વનું કેન્દ્ર છે. જર્જરિત ઇમારત બાળકોના ભવિષ્ય સાથે ચેડાં કરી રહી છે. તાત્કાલિક ધોરણે આંગણવાડીની નવી ઇમારત બનાવવામાં આવે અથવા તો તેનું સમારકામ કરવામાં આવે તેવી માંગણી સ્થાનિક લોકો દ્વારા કરવામાં આવી રહી છે.