બાવળા-ઢેઢાલ સર્વિસ રોડની દયનીય હાલત: વાહનચાલકો પરેશાન

બાવળાથી ઢેઢાલ સુધીનો સર્વિસ રોડ હાલ અત્યંત બિસ્માર હાલતમાં જોવા મળી રહ્યો છે. આ રોડ પર મોટા મોટા ખાડાઓ પડી ગયા છે અને કપચી પણ ઉખડી ગઈ છે, જેના કારણે વાહનચાલકોને પસાર થવામાં ભારે મુશ્કેલી પડી રહી છે.

આ બિસ્માર રોડને કારણે સ્થાનિક રહીશો અને વાહનચાલકોમાં ભારે રોષ જોવા મળી રહ્યો છે. ખાસ કરીને વરસાદી માહોલમાં આ રોડ પર પાણી ભરાઈ જવાથી પરિસ્થિતિ વધુ ગંભીર બની જાય છે અને અકસ્માતનો ભય રહે છે.

વાહનચાલકો દ્વારા વારંવાર રજૂઆતો કરવા છતાં તંત્ર દ્વારા આ માર્ગના સમારકામ અંગે કોઈ કાર્યવાહી કરવામાં આવી નથી. સ્થાનિક લોકોની માંગ છે કે તાત્કાલિક ધોરણે આ રોડનું સમારકામ કરવામાં આવે જેથી રોજિંદા મુસાફરી કરતા લોકોને રાહત મળી શકે.