ପାରଦ୍ୱୀପରେ ଆଶ୍ରୟ ନେଇଛନ୍ତି ୩୧୯ ଜଣ ଆନ୍ଧ୍ର ମତ୍ସ୍ୟଜୀବୀ

ପାରାଦ୍ୱୀପ: ଗଭୀର ଅବପାତ ଯୋଗୁଁ ସମୁଦ୍ର ଅଶାନ୍ତ ରହିଛି । ତେଣୁ ପାରଦ୍ୱୀପରେ ପଶି ରହିଛନ୍ତି ୩୦୦ରୁ ଉର୍ଦ୍ଧ୍ୱ ଆନ୍ଧ୍ର ପ୍ରଦେଶ ମତ୍ସ୍ୟଜୀବୀ । ସମସ୍ତେ ସରୁକ୍ଷିତ ଥିବା ଜଣାପଡ଼ିଛି ।

ଅବପାତ ଯୋଗୁଁ ଆନ୍ଧ୍ର ପ୍ରଦେଶର ମତ୍ସ୍ୟଜୀବୀମାନେ ଉପକୂଳକୁ ଫେରି ପାରିନଥିଲେ । ସେଥିପାଇଁ ନିକଟସ୍ଥ ପାରାଦ୍ୱୀପ ଉପକୂଳକୁ ଚାଲି ଆସିଥିଲେ । ପାରାଦୀପ ପୋର୍ଟରେ ୩୬ଟି ମାଛଧରା ଟ୍ରଲର ସୁରକ୍ଷିତ ଆଶ୍ରୟ ନେଇଛନ୍ତି । ଏହି ଟ୍ରଲରଗୁଡ଼ିକରେ ଥିବା ୩୧୯ ଜଣ ମତ୍ସ୍ୟଜୀବୀ ମଧ୍ୟ ସୁରକ୍ଷିତ ଭାବେ ଆଶ୍ରୟ ନେଇଛନ୍ତି ।

ପାଣିପାଗ ବିଭାଗ ୨୫ ତାରିଖ ଯାଏ ମତ୍ସ୍ୟଜୀବୀ ସମୁଦ୍ର ଭିତରକୁ ଯିବାକୁ ବାରଣ କରିଛି । ଗଭୀର ଅବପାତ ଫଳରେ ସମୁଦ୍ର ଅଶାନ୍ତ ରହିଛି । ପ୍ରାୟ ୫ ମିଟର୍ ଉପରକୁ ସମୁଦ୍ର ଉଠିଛି । ବଡ଼ ବଡ଼ ଲହଡ଼ି ସହିତ ପବନର ବେଗ ଅଧିକ ଥିବାରୁ ସତର୍କତା ଦୃଷ୍ଟିରୁ ମତ୍ସ୍ୟଜୀବୀଙ୍କୁ ନ ଯିବାକୁ ପରାମର୍ଶ ଦିଆଯାଇଛି ।