વાવથરાદ જિલ્લા પોલીસ દ્વારા રોડ સેફ્ટી અંતર્ગત બાઈક રેલીનું આયોજન..

વાવથરાદ જિલ્લા પોલીસ દ્વારા રોડ સેફ્ટીના મહત્વ અંગે જાગૃતિ ફેલાવવાના ઉમદા હેતુ સાથે એક બાઈક રેલીનું સફળતાપૂર્વક આયોજન કરવામાં આવ્યું. આ રેલીનું માર્ગદર્શન જિલ્લા પોલીસ અધિક્ષક ચિંતન તેરૈયા દ્વારા આપવામાં આવ્યું હતું..

આ બાઈક રેલી ગૌમાતા સર્કલથી શરૂ થઈને રેફરલ હોસ્પિટલ, સર્કિટ હાઉસ રોડ,દુધશીત કેન્દ્ર થઈને પરત ગૌમાતા સર્કલ સુધી યોજાઈ હતી.આ રેલીનો મુખ્ય ઉદ્દેશ્ય વાહનચાલકોમાં ટ્રાફિક નિયમોનું પાલન કરવા અને સલામત રીતે વાહન ચલાવવા અંગે જાગૃતિ લાવવાનો હતો.પોલીસ વિભાગ દ્વારા આવા કાર્યક્રમોનું નિયમિત આયોજન કરવામાં આવે છે, જેથી નાગરિકોમાં રોડ સેફ્ટી પ્રત્યેની જવાબદારીની ભાવના કેળવાય અને અકસ્માતોનું પ્રમાણ ઘટાડી શકાય.