લીલીયાના આંબા ગામે સગીરાએ પરિવારે સમજાવટ કરતા દુઃખદ પગલું ભર્યું, સારવાર દરમિયાન મોત

લીલીયા તાલુકાના આંબા ગામે એક દુઃખદ ઘટના બની છે. મૂળ મધ્યપ્રદેશના અલીરાજપુર જિલ્લાના કોડબુંના ગામના વતની અને હાલ લીલીયા મોટા નજીક આંબા ગામે વાડીએ રહેતા સુનિલભાઈ નર્ભુભાઈ ગઢાવાએ જાહેર કર્યા મુજબ, તેમના પરિવારની ૧૪ વર્ષીય સગીરા પુત્રીને લગ્ન સંબંધ બાબતે પરિવાર દ્વારા સમજાવટ કરવામાં આવી રહી હતી.

પરિવારની આ સમજાવટ સગીરાને મનમાં લાગી આવતા તેણે દુઃખદ પગલું ભર્યું હતું. ઘટના બાદ તેને ગંભીર હાલતમાં સારવાર માટે ખસેડવામાં આવી હતી. જોકે, દુર્ભાગ્યે સારવાર દરમિયાન તેનું મોત થયું હતું.

આ સમગ્ર ઘટના અંગે લીલીયા પોલીસ સ્ટેશનના હેડ કોન્સ્ટેબલ મહેશભાઈ મધુભાઈ દ્વારા વધુ તપાસ હાથ ધરવામાં આવી છે. પોલીસ આ ઘટનાના ઊંડાણપૂર્વક તપાસ કરી રહી છે.