ભરૂચ રેલવે સ્ટેશન પર ટ્રેન મારફતે સપ્લાય થતો દારૂનો મોટો જથ્થો ઝડપાયો

ભરૂચ રેલવે સ્ટેશન પર વિજિલન્સ અને રેલવે જીઆરપીની ટીમો દ્વારા એક મોટી કાર્યવાહી કરવામાં આવી છે. આ કાર્યવાહી દરમિયાન, ટ્રેન મારફતે સપ્લાય કરવામાં આવી રહેલો દારૂનો મોટો જથ્થો ઝડપી પાડવામાં આવ્યો છે. રેલવે સ્ટેશનના પ્લેટફોર્મ પરથી દારૂની પેટીઓ સાથે કેટલાક ઈસમોને પણ ઝડપી લેવાયા છે.

પ્રાપ્ત માહિતી અનુસાર, ઝડપાયેલો દારૂનો જથ્થો ટ્રોલી બેગ, થેલા અને અન્ય સામાનમાં છુપાવીને સપ્લાય કરવામાં આવી રહ્યો હતો. પોલીસે આ દારૂ સપ્લાય કરતા ઈસમોની પૂછપરછ હાથ ધરી છે અને તેમની પાસેથી દારૂ ક્યાંથી આવ્યો અને કોણે મોકલ્યો હતો તે અંગેની માહિતી મેળવવાનો પ્રયાસ કરી રહી છે.

આ ઉપરાંત, પોલીસે એ દિશામાં પણ તપાસ શરૂ કરી છે કે આ દારૂનો જથ્થો ક્યાં ક્યાં પહોંચાડવાનો હતો. આ સમગ્ર રેકેટનો પર્દાફાશ કરવા માટે પોલીસ સઘન તપાસ ચલાવી રહી છે.