બનાસકાંઠા: અંબાજી પદયાત્રા રૂટ પર સેવા કેમ્પો અને યાત્રાળુઓની ભીડથી હાઈવે ઝળહળ્યો

બનાસકાંઠા જિલ્લામાં અંબાજી ધામ તરફ જતાં પદયાત્રીઓ અને વિવિધ સેવા કેમ્પોને કારણે ખેરાલુ-સતલાસણા હાઈવે રાત્રિ દરમિયાન રોનક બની ગયો હતો. પગપાળા જતા યાત્રાળુઓનો ઉત્સાહ અને સેવાભાવી સંસ્થાઓ દ્વારા ગોઠવાયેલા કેમ્પોએ વાતાવરણને ભક્તિમય બનાવ્યું હતું.

આ અદ્ભુત દ્રશ્યો જોવા માટે મોટી સંખ્યામાં વાહન ચાલકો પણ હાઈવે પર ઉમટી પડ્યા હતા, જેના કારણે વાહનોની લાંબી કતારો લાગી હતી. પદયાત્રીઓનો ઉત્સાહ અને સેવા કેમ્પોની વ્યવસ્થાએ સમગ્ર માહોલને અનેરો બનાવી દીધો હતો.

અંબાજી તરફ જતાં પદયાત્રીઓની ભારે ભીડ જોવા મળી રહી હતી. સેવાકીય કેમ્પો દ્વારા યાત્રાળુઓને પાણી, ભોજન અને અન્ય સુવિધાઓ પૂરી પાડવામાં આવી રહી હતી. આ દ્રશ્યોનો ડ્રોન નજારો પણ ખૂબ જ આકર્ષક હતો.