ଭୁଜାଲି ଦେଖାଇ ନେଇଗଲେ ୧୦ ଇନଭର୍ଟର !

ତେଲେଙ୍ଗା କଟୁରୀ ଦେଖାଇ ଲୁଟ । କଟକ ଜିଲ୍ଲା ଟାଙ୍ଗୀ ଅଞ୍ଚଳରୁ ଇନଭଟର ନେଇ କଣ୍ଟାବାଜି ଯାଉଥିବା ଏକ ପିକଅପ ଭ୍ୟାନରୁ ଲକ୍ଷାଧିକ ଟଙ୍କାର ଇନଭଟର ଚୋରି । ଡ୍ରାଇଭରକୁ ନିଦ ଆସିବାରୁ ଅନୁଗୋଳ ଜିଲ୍ଲା ସଦର ଥାନା ମୁଶାପାପୁଲି ଗାଁ ନିକଟ ବସଯାତ୍ରୀ ପ୍ରତ୍ୟକ୍ଷାଳୟରେ ଡ୍ରାଇଭରଙ୍କ ସମେତ ଗାଡ଼ିରେ ଥିବା ବାପା ପୁଅ ସେଠାରେ ଶୋଇଥିଲେ ।ଏହି ସମୟରେ ୫ରୁ ୭ ଦୁର୍ବୃତ୍ତ ଭୁଜାଲି ଦେଖାଇ ବାପା ଓ ପୁଅଙ୍କ ଠାରୁ ଲୁଟି ନେଲେ ଇନଭର୍ଟର । ସେମାନେ ଶହେରୁ ଊର୍ଦ୍ଧ୍ବ ଇନଭର୍ଟର ନେଇ ଟାଙ୍ଗୀରୁ କଣ୍ଟାବାଞ୍ଜି ସପ୍ଲାଏ କରିବାକୁ ଯାଉଥିଲେ ।
ଏ ନେଇ ସଦର ଥାନାକୁ ଜଣାଇବା ପରେ ସଦର ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି । ସଦର ଥାନା ଠାରୁ ମାତ୍ର ୨ କିଲୋମିଟର ଦୂରରେ ଏଭଳି ଘଟଣା ସ୍ଥାନୀୟ ଲୋକଙ୍କୁ ଭୟଭୀତ କରିଛି । ହାଇୱେରେ ପେଟ୍ରିଲିଂ ଠିକ୍ ଭାବରେ ହେଉନଥିବାର ସ୍ଥାନୀୟଲୋକେ ଅଭିଯୋଗ କରିଛନ୍ତି ।