નખત્રાણા નગરપાલિકા માં ચીફ ઓફિસર ની નિમણુંક કરવામાં આવી.

નખત્રાણા નગરપાલિકામાં નવા ચીફ ઓફિસરની નિમણુંક કરવામાં આવી છે. કચ્છ જિલ્લા કલેક્ટર દ્વારા નાયબ મામલતદાર વર્ગ-3 સંવર્ગના અધિકારી પાર્થભાઈ જોશી (પી.ડી. જોશી)ને આ પદ પર નિમણુંક આપવામાં આવી છે.
પ્રાદેશિક કમિશનર દ્વારા મળેલી દરખાસ્તના આધારે આ નિમણુંકની કાર્યવાહી હાથ ધરવામાં આવી હતી. પાર્થભાઈ જોશીને નગરપાલિકાના ચીફ ઓફિસર તરીકેની જવાબદારી સોંપવામાં આવી છે.
નોંધનીય છે કે પી.ડી. જોશી અગાઉ પણ નખત્રાણા તાલુકામાં નાયબ મામલતદાર તરીકે ફરજ બજાવી ચૂક્યા છે. તેમના અનુભવ અને સ્થાનિક વહીવટી કાર્યોની જાણકારીને ધ્યાનમાં રાખીને તેમની આ નિમણુંક કરવામાં આવી છે.
આ નિમણુંકથી નખત્રાણા નગરપાલિકાના વહીવટી કાર્યોમાં વધુ સુગમતા અને કાર્યક્ષમતા આવશે તેવી અપેક્ષા વ્યક્ત કરવામાં આવી રહી છે.