અમદાવાદ: મણિનગર ખાતે શિવશક્તિ યુવક મંડળ દ્વારા ગણેશ મહોત્સવની ઉજવણી..

અમદાવાદના મણિનગર વિસ્તારમાં આજે શિવશક્તિ યુવક મંડળ દ્વારા આયોજિત ભવ્ય ગણેશ મહોત્સવનું આયોજન કરવામાં આવ્યું હતું. આ ઉત્સવમાં મોટી સંખ્યામાં સ્થાનિક નાગરિકો અને ભક્તોએ ભાગ લીધો હતો અને વિઘ્નહર્તા ભગવાન શ્રી ગણેશજીના દર્શન કરી ધન્યતા અનુભવી હતી.આ પ્રસંગે ઉપસ્થિત સૌ ભક્તોએ ભગવાન શ્રી ગણેશજીને પ્રાર્થના કરી હતી કે તેઓ સૌના જીવનમાં સુખ,શાંતિ અને સમૃદ્ધિ લઈને આવે.મંડળ દ્વારા કરવામાં આવેલી આયોજનની સૌએ પ્રશંસા કરી હતી..

શિવશક્તિ યુવક મંડળ દ્વારા દર વર્ષની જેમ આ વર્ષે પણ ગણેશ મહોત્સવની ઉત્સાહભેર ઉજવણી કરવામાં આવી રહી છે, જે સ્થાનિક સમુદાયમાં ધાર્મિક અને સામાજિક એકતાનું પ્રતિક બની રહી છે.