રાજપારડી ડી.પી. શાહ વિદ્યામંદિર સ્કૂલ ખાતે સેવા સેતુ કાર્યક્રમ યોજાયો:

રાજપારડી ડી.પી. શાહ વિદ્યામંદિર સ્કૂલ ખાતે સેવા સેતુ કાર્યક્રમ યોજાયો: આજુ બાજુ ના ગામના લોકોએ લાભ લીધો


ભરૂચ જિલ્લાના ઝઘડિયા તાલુકાના રાજપારડી ખાતે આવેલ ડી પી શાહ વિદ્યામંદિર શાળા ખાતે આજરોજ સેવા સેતુ કાર્યક્રમનું આયોજન કરવામાં આવ્યું આ કાર્યક્રમ ભરૂચ જિલ્લા પંચાયતના પ્રમુખ શ્રીમતી ડિમ્પલબેન વિક્રમસિંહ રાજ તેમજ ઝઘડિયા તાલુકા પંચાયતના પ્રમુખ શ્રીમતી સરસ્વતીબેન વસાવા ના અધ્યક્ષ સ્થાને યોજાયો હતો.
આ પ્રસંગે તાલુકા પંચાયતના સદસ્ય અક્ષયભાઈ વસાવા, ગામના તલાટી કમ મંત્રી તેમજ નિલેશભાઈ સોલંકી ભુપેન્દ્રસિંહ રાઠોડ સહિત મહાનુભાવો ઉપસ્થિત રહ્યા હતા.કાર્યક્રમને સફળ બનાવવા મામલતદાર કચેરીની સમગ્ર ટીમ તેમજ વિવિધ શાખાઓમાંથી પધારેલ કર્મચારીશ્રીઓએ ખૂબ સુંદર આયોજન કરી અને ગ્રામજનોને સ્થળ પર જ સરકારી સેવાઓનો લાભ આપ્યો હતો.આ સેવા સેતુ કાર્યક્રમમાં આવકના દાખલા, જાતિના દાખલા, આધારકાર્ડ સુધારણા, રેશનકાર્ડ સહિતની વિવિધ યોજનાઓનો લાભ આજુબાજુ ગામના ગ્રામજનોએ મોટી સંખ્યામાં મેળવ્યો હતો.
રિપોર્ટર મલેક સીરાજુદ્દીન ઝઘડિયા