અમરેલી: સામાન્ય બોલાચાલી બાદ ચાની કીટલી મારી ઇજા પહોંચાડી ફરાર થયેલ આરોપી ગણતરીની કલાકોમાં ઝડપાયો

અમરેલી શહેરમાં બાયપાસ રોડ ઉપર સામાન્ય બોલાચાલી બાદ મારામારીની ઘટના બની હતી. જેમાં એક વ્યક્તિએ ચાની કીટલી વડે બીજા વ્યક્તિને માથામાં મારી ઇજા પહોંચાડી હતી. આ ઘટના બાદ આરોપી ફરાર થઈ ગયો હતો.

ઘટનાની જાણ થતાં જ અમરેલી સીટી પોલીસ ઘટના સ્થળે પહોંચી હતી અને તપાસ હાથ ધરી હતી. પોલીસે તાત્કાલિક આરોપીને ઝડપી પાડવા માટે નાકાબંધી કરી હતી અને શોધખોળ શરૂ કરી હતી.

પોલીસની સતર્કતા અને સક્રિયતાના કારણે, આરોપીને ગણતરીની કલાકોમાં જ ઝડપી પાડવામાં સફળતા મળી હતી. પોલીસે આરોપી વિરુદ્ધ કાયદેસરની કાર્યવાહી હાથ ધરી છે અને વધુ તપાસ હાથ ધરી છે.