ଭାଲୁ ଆକ୍ରମଣରେ ଦୁଇ ଗୁରୁତର

ଭାଲୁ ଆକ୍ରମଣରେ ଦୁଇ ଗୁରୁତର, ଜଣେ ଆହତ ହୋଇଛନ୍ତି । ସମସ୍ତଙ୍କୁ ରେଢ଼ାଖୋଲ ମେଡିକାଲରେ ଭର୍ତ୍ତି କରାଯାଇଛି । ଘଟଣା ଘଟିଛି ସମ୍ବଲପୁର ଜିଲ୍ଲା ରେଢ଼ାଖୋଲ ବନଖଣ୍ଡ ଘୁସରାମାଲ ଗ୍ରାମ ନିକଟ ଜଙ୍ଗଲରେ ।ଆଜି ସକାଳେ ସରଧା ରାଉଳ (୫୮) ନିଜ ଚାଷଜମିକୁ ଯାଇଥିବା ବେଳେ ହଠାତ ତାଙ୍କୁ ଏକ ଭାଲୁ ଆକ୍ରମଣ କରିଥିଲା । ତାଙ୍କୁ ଆକ୍ରମଣ କଲାପରେ ଘର ପାଖ ଜଙ୍ଗଲକୁ ଶୌଚ ପାଇଁ ଯାଇଥିବା ସୌରଭକୁ ଭାଲୁ କମୁଡ଼ିଥିଲା । ହେଲେ ତାଙ୍କ ପାଖରେ ମାମୁଁ ଥିବାରୁ ସେ ଅଳ୍ପକେ ବର୍ତ୍ତି ଯାଇଥିଲେ । ତାଙ୍କ ସହିତ ଆଉ ଜଣଙ୍କୁ ମଧ୍ୟ ଭାଲୁ ଆକ୍ରମଣ କରି ଆହତ କରିଛି । କିନ୍ତୁ ଏପର୍ଯ୍ୟନ୍ତ ଆହତ ବ୍ୟକ୍ତିଙ୍କ ପରିଚୟ ମିଳିନଥିବା ବେଳେ ଦୁଇ ଗୁରୁତରଙ୍କୁ ରେଢ଼ାଖୋଲ ମେଡିକାଲରେ ଭର୍ତ୍ତି କରାଯାଇଛି ।ଘଟଣା ପରେ ବନ ବିଭାଗ ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଏହା ସହ ଲୋକଙ୍କୁ ଜଙ୍ଗଲକୁ ଏକୁଟିଆ ନଯିବାକୁ ସତର୍କ କରାଯାଇଛନ୍ତି ।