બગસરા નજીક અમરેલી બાયપાસ રોડ પર તેલ ભરેલ ટેન્કર પલ્ટી, ભીડમાં ગરીબીનું ચિત્ર

બગસરા નજીક અમરેલી બાયપાસ રોડ પર એક તેલ ભરેલ ટેન્કર પલ્ટી ગયું, જેના કારણે ટેન્કરમાંથી તેલ બહાર વહેવા લાગ્યું. બનાવની જાણ થતાં જ હજારો લોકો ઘટના સ્થળે દોડ્યા અને તેલ ભરવા માટે સ્પર્ધા કરી.

ઘટના સ્થળે લોકો વાસણ, તપેલું, ડબલું, પ્લાસ્ટિકના કેન વગેરે લઈને ટેન્કરમાંથી તેલ ભરતા જોવા મળ્યા. આ દૃશ્યનું વીડિયો સોશિયલ મીડિયામાં વાયરલ થયું અને લાખો લોકો દ્વારા જોવામાં આવ્યું.

પોલીસે સ્થળ પર પહોંચી સ્થિતિ નિયંત્રિત કરવા પ્રયત્ન કર્યો. બાયપાસ રોડ પર થોડા સમય માટે વાહનચાલકોમાં પણ કુતૂહલ જોવા મળ્યું. અકસ્માતમાં કોઈ જાનહાનિ થઈ છે કે કેમ અને ટેન્કર કેમ પલટી ગયું તે અંગેની વધુ વિગતો પોલીસ તપાસ બાદ બહાર આવશે.

આ ઘટના ગરીબી, બેરોજગારી અને મોંઘવારીના ચિત્રને દર્શાવે છે, જ્યારે "ફાઈવ ટ્રિલિયન ઈકોનોમી"ના દાવા વચ્ચે ગાંધીનાં ગુજરાતમાં આવી ઘટનાઓ પ્રકાશમાં આવી રહી છે.