ବର୍ଷାରେ ତୋରଣ ପଡ଼ି ଭାଙ୍ଗିଲା କାର୍‌; ଅଳ୍ପକେ ବର୍ତ୍ତିଲେ ଡ୍ରାଇଭର

ପାରାଦୀପରେ ଅଘଟଣ । କାର୍ ଉପରେ ଭାଙ୍ଗିପଡିଲା ବିଶ୍ଵକର୍ମା ପୂଜା ଲାଇଟ ତୋରଣ । ଅଳ୍ପକେ ବର୍ତ୍ତିଲେ କାର ଚାଳକ । କିନ୍ତୁ କାର ଭାଙ୍ଗି ଚୁରମାର ହୋଇଯାଇଛି । ପାରାଦୀପ ଆଦର୍ଶ ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।FCI ଶ୍ରମିକ ସଂଘ ପୂଜା କମିଟି ସମ୍ମୁଖରେ ରାସ୍ତା ଉପରେ ନିର୍ମିତ ହୋଇଥିଲା ଲାଇଟ ତୋରଣ । ବର୍ଷାରେ ଭିଜିବା ପରେ ଭଲ ଭାବରେ ପୋତା ହୋଇନଥିବାରୁ ତୋରଣ ଭାଙ୍ଗି ପଡ଼ିଥିବାର ସୂଚନା ମିଳିଛି । ତୋରଣ ଭାଙ୍ଗି ରାସ୍ତାରେ ଯାଉଥିବା ଏକ କାର ଉପରେ ପଡ଼ିଥିଲା । କାର ପୁରା ଭାଙ୍ଗି ଚୁରାମାର ହୋଇଯାଇଥିବା ବେଳେ କାର ଭିତରେ ଡ୍ରାଇଭର ଫସି ରହିଥିଲେ ।
ଦମକଳ ବାହିନୀ ପହଞ୍ଚିବା ପରେ କାର ଭିତରୁ ଡ୍ରାଇଭରଙ୍କୁ ଉଦ୍ଧାର କରିଥିଲେ । ଆଉ କଟର ମେସିନ ସାହାଯ୍ୟରେ ତୋରଣ କାଟି ଦମକଳ ବାହିନୀ ରାସ୍ତା ସଫା କରିଥିଲେ । ଭଲ ଭାବରେ ପୋତା ହୋଇନଥିବାରୁ ବର୍ଷାରେ ଭିଜିବା ପରେ ଓଜନିଆ ହୋଇ ତୋରଣ ଭାଙ୍ଗି ପଡିଥିବାର କୁହାଯାଉଛି । ପାରାଦୀପ ଆଦର୍ଶ ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।