અમરેલી: રાજુલાના કોટડી હાફ મર્ડર કેસમાં બે આરોપીઓના રેગ્યુલર જામીન મંજૂર

અમરેલી જિલ્લાના રાજુલા તાલુકાના કોટડી ગામે બનેલા હાફ મર્ડર કેસમાં સંડોવાયેલા બે આરોપીઓના રેગ્યુલર જામીન નામદાર સેશન્સ કોર્ટ, રાજુલા દ્વારા મંજૂર કરવામાં આવ્યા છે. આ કેસમાં આરોપી કલ્પેશ છગનભાઈ ગોહિલ તથા કાળુભાઈ બીજલભાઈ કવાડ સામે રાજુલા પોલીસ સ્ટેશનમાં ગુનો નોંધવામાં આવ્યો હતો.

આ કેસની કાનૂની કાર્યવાહી દરમિયાન આરોપીઓ વતી એડવોકેટ કે. બી. કામળીયાએ કોર્ટ સમક્ષ રજૂઆત કરી હતી. બચાવ પક્ષના વકીલ દ્વારા કરવામાં આવેલી દલીલો અને રજૂ કરાયેલા વિવિધ કાયદાકીય મુદ્દાઓને કોર્ટે ધ્યાને લીધા હતા.

બંને પક્ષોની દલીલો સાંભળ્યા બાદ, સેશન્સ કોર્ટ, રાજુલાએ બચાવ પક્ષની રજૂઆતોને ગ્રાહ્ય રાખીને બંને આરોપીઓ કલ્પેશ છગનભાઈ ગોહિલ અને કાળુભાઈ બીજલભાઈ કવાડને રેગ્યુલર જામીન પર મુક્ત કરવાનો હુકમ કર્યો છે.