ચાંદોદ ગ્રામ પંચાયતમાં ડેપ્યુટી સરપંચ ભરતભાઈ માછીનું રાજીનામું, વહીવટી કથળ્યાના આક્ષેપો

ડભોઇ તાલુકા યાત્રાધામ ચાંદોદમાં ગ્રામ પંચાયતના ડેપ્યુટી સરપંચ ભરતભાઈ મનુભાઈ માછીએ વહીવટી કથળ્યાના આક્ષેપો સાથે રાજીનામું આપ્યું, જે સ્થાનિક રાજકારણમાં તીવ્ર ચર્ચા સર્જી છે.

ભરતભાઈએ લખિત પત્રમાં જણાવ્યું કે છેલ્લા આઠ મહિનાથી સરપંચ દ્વારા કોઈ સામાન્ય બેઠક અથવા મીટિંગ બોલાવવામાં આવી નથી, અને વિકાસલક્ષી કામો અટકેલી છે. ગ્રામજનોની 100 કરતાં વધુ અરજીનો નિકાલ ન થયો હોવાને કારણે વહીવટ કથળી ગયો છે.

પત્રમાં તેમણે જણાવ્યું કે પદ પર રહેવાથી પોતાની પ્રતિષ્ઠાને હાનિ થઈ રહી છે, તેથી સ્વેચ્છાએ રાજીનામું આપીને તાકીદે મંજૂરીની માંગ કરી છે. તેમણે વિકાસ અધિકારી (TDO)ને પત્ર મોકલ્યો છે.

આ રાજીનામા પછી, વિકાસ અધિકારી ક્યારે મંજૂર કરશે અને પંચાયતમાં સામાન્ય સભા ન બોલાવવાના અને અટકેલા વિકાસ કામો અંગે શું પગલાં લેવાશે, તે જોવા બાકી છે. સમગ્ર તાલુકાના પંચાયત વર્તુળોમાં આ ઘટનાથી ખળભળાટ મચી ગયો છે.