રાપર તાલુકામાં ભોજનારી ડેમ પાસે માલધારી પરિવારના પડાવમાં ફાયરીંગ, બે આરોપીઓ ધરપકડ

રાપર તાલુકાના ફતેગઢ ગામની સીમામાં આવેલા ભોજનારી ડેમ પાસે 16 સપ્ટેમ્બરની રાત્રે માલધારી પરિવારના પડાવમાં ફાયરીંગ કરી એક વ્યક્તિને ગંભીર ઈજા પહોંચાડવાના કેસમાં પૂર્વ કચ્છ LCBએ બે આરોપીઓને ઝડપી પાડ્યા છે.

પોલીસ તપાસમાં સામે આવ્યું કે બંને આરોપીઓ જંગલ વિસ્તારમાં શિકાર કરવા આવ્યા હતા. માલધારી લોકો જાગી જતા તેમને જાનથી મારી નાખવાના ઇરાદે ફાયરીંગ કરી મોટરસાયકલ પર ફરાર થઈ ગયા હતા.

LCBએ અહેમદ હિંગોરજા અને રીઝવાન સમેજાને ઝડપી પાડી તેમની પાસેથી દેશી બનાવટની બંદૂક, ગન પાવડર, ધાતુની ગોળીઓ, મોબાઈલ ફોન અને મોટરસાયકલ સહિત કુલ રૂ.70,500નો મુદ્દામાલ કબજે કર્યો છે.

આ સમગ્ર કાર્યવાહી LCB PI જે.એમ. વાળા, PSI ડી.જી. પટેલ અને ટીમ દ્વારા કરવામાં આવી હતી. બંને આરોપીઓને આગળની કાર્યવાહી માટે રાપર પોલીસને સોંપવામાં આવ્યા.