ଗଣେଶ ଭସାଣି ପ୍ରୋସେସନ ସମୟରେ ଅଗ୍ନିକାଣ୍ଡ

ଗଣେଶ ଭସାଣି ପ୍ରୋସେସନ ସମୟରେ ଅଗ୍ନିକାଣ୍ଡ । ଜେନେରେଟର ପାଖରେ ଥିବା ତେଲ ଯାର ରେ ନିଆଁ ଲାଗି ୫ ଜଣ ଶିଶୁ ପୋଡ଼ି ଗୁରୁତର ଆହତ ହୋଇଛନ୍ତି । ଘଟଣା ଘଟିଛି ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ସହରରେ ।
ଗତ ରାତିରେ ତହସିଲ କାର୍ଯ୍ୟାଳୟ ପାଖ ସାହିର ଗୋଟିଏ ଗଣେଶ ମେଢ଼ ଭସାଣି ଶୋଭାଯାତ୍ରା ହେଉଥିଲା । ଏକ ଟ୍ରାକ୍ଟର ଉପରେ ଜେନେରେଟର ରଖାଯାଇଥିଲା। ଜେନେରେଟର ପାଖରେ ବସି ଶିଶୁମାନେ ଶୋଭାଯାତ୍ରା ଦେଖୁଥିଲେ ।
ଜେନେରେଟର ଅତ୍ୟଧିକ ଉତ୍ତାପ ଯୋଗୁଁ ନିକଟରେ ଥିବା ପେଟ୍ରୋଲ୍ ଜାରରେ ହଠାତ୍ ନିଆଁ ଲାଗିଯାଇଥିଲା । ଫଳରେ ନିକଟରେ ବସିଥିବା ୫ ଜଣ ଶିଶୁ ନିଆଁରେ ପୋଡ଼ି ହୋଇ ଆହତ ହୋଇଥିଲେ । ସ୍ଥାନୀୟଲୋକେ ସମସ୍ତ ଶିଶୁଙ୍କୁ ଉଦ୍ଧାର କରି ପୁରୁଷୋତ୍ତମପୁର ମେଡିକାଲରେ ଭର୍ତ୍ତି କରିଥିଲେ । ପରେ କିଛି ଶିଶୁଙ୍କୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି ।