રાજુલા તાલુકાના મોરંગી ગામે મહિલાના વાળ પકડી ઢીકાપાટુ મારતા ત્રણ મહિલાઓ સામે ફરિયાદ

રાજુલા તાલુકાના મોરંગી ગામમાં આવવા-જવાના રસ્તા પર દબાણ કરી મકાન બનાવવાના મુદ્દે થયેલી માથાકૂટમાં એક મહિલાના વાળ પકડી ઢીકાપાટુ મારવામાં આવ્યા હતા. આ બાબતે ચાવડા (ઉ.વ.૪૦) એ નસીમબેન મહમદભાઈ શેખ, ગઝાલા આદિલભાઈ શેખ અને શેહનાઝબેન અબ્દુલભાઇ શેખ સામે ફરિયાદ નોંધાવી હતી.

ફરિયાદ મુજબ આરોપી મહિલાઓ ફરિયાદીના પાડોશી છે. ફરિયાદી તથા આરોપી મહિલાઓને આવવા-જવાનો રસ્તો એક જ છે, જે રસ્તા પર આરોપી મહિલાઓએ દબાણ કરી મકાન બનાવ્યું હોય તેનો કેસ કોર્ટમાં ચાલે છે. જેની દાઝ રાખી આરોપી મહિલાઓએ વિરોધ કર્યો હતો.

બાદમાં ફરિયાદી પોતાના ઘરનો કચરો વોંકળામાં નાખવા જતા આરોપી મહિલાઓએ તેમની સાથે બોલાચાલી કરી ઝઘડો કર્યો હતો, જેની અરજી તેમણે પોલીસ સ્ટેશનમાં આપી હતી.

આ બાબતની ખાર રાખી ત્રણેય આરોપી મહિલાઓએ ફરિયાદીના વાળ પકડી ઢીકાપાટુનો શરીરે આડેધડ મુંઢમાર મારી જાનથી મારી નાખવાની ધમકી આપી હતી. ડુંગર પોલીસ સ્ટેશનના હેડ કોન્સ્ટેબલ એમ.એલ. ભેરડા વધુ તપાસ કરી રહ્યા છે.