ડભોઇ ટીંબી ફાટક નજીક રાત્રિમાં દીપડો દેખાયો, ફોટો વાયરલથી ખળભળાટ

ડભોઇ શહેરના ટીંબી ફાટક પાસે આવેલા રેલવે વિકાસ નિગમના રેલવે લોકો શેડ ગેટ નજીક રાત્રિના સમયે દીપડો દેખાયો હોવાનો દાવો સામે આવ્યો છે.

વાયરલ થયેલા ફોટાને પગલે સોશિયલ મીડિયામાં ભારે ચર્ચા અને ફફડાટનો માહોલ સર્જાયો છે, ખાસ કરીને ખેતરોમાં રાત્રિના સમયે કામ કરતા ખેડૂતો અને ખેતમજૂરોમાં ભયનો માહોલ જોવા મળી રહ્યો છે.

વન વિભાગ દ્વારા તપાસ અને કેમેરા ટ્રેપ ગોઠવવાની માંગ છે, તેમજ દીપડાના પગના નિશાન સહિત પુરાવા ચકાસવા માટે તાત્કાલિક સ્થળની મુલાકાત લેવાની વિનંતી કરવામાં આવી છે.

જો દીપડાની હાજરી પુષ્ટિ થાય તો ટીબી ફાટકથી રેલવે લોકો શેડ અને આસપાસના શેરડીના ખેતરો સુધીના વિસ્તારમાં રાત્રિના સમયે વિશેષ તકેદારી રાખવી જરૂરી બની શકે છે, અને તંત્ર દ્વારા હકીકત સ્પષ્ટ કરવી અત્યંત જરૂરી છે.