ભાદરવી પૂનમ મહામેળા માટે હિંમતનગરમાં વન-વે ટ્રાફિક વ્યવસ્થા..

સાબરકાંઠામાં-:
19 સપ્ટેમ્બર થી 26 સપ્ટેમ્બર 2026 સુધી હિંમતનગરના મહેતાપુરાથી ખેરોજ પુલ સુધીના માર્ગ પર વન-વે ટ્રાફિક વ્યવસ્થા અમલમાં રહેશે. મહેતાપુરા થી ખેરોજ પુલ સુધી હિંમતનગરથી જતા માર્ગની ડાબી બાજુના હાઇવે પર નાના-મોટા તમામ વાહનોની અવરજવર પર પ્રતિબંધ રહેશે, જ્યારે જમણી બાજુનો માર્ગ ખુલ્લો રહેશે.ભાદરવી પૂનમ નિમિત્તે અંબાજી અને ખેડબ્રહ્મા તરફ મોટી સંખ્યામાં પદયાત્રીઓ નીકળતા હોવાથી અકસ્માત ટાળવા અને ટ્રાફિક સુચારૂ રાખવા આ નિર્ણય લેવાયો છે. સરકારી કામગીરીના વાહનો તેમજ એમ્બ્યુલન્સ અને ફાયર બ્રિગેડને આ નિયંત્રણમાંથી મુક્તિ આપવામાં આવી છે..

જાહેરનામાનો ભંગ કરનાર સામે કાયદેસરની કાર્યવાહી કરવાની જોગવાઈ કરવામાં આવી છે.આ પગલાંથી પદયાત્રીઓની સુરક્ષા અને માર્ગ વ્યવસ્થાને સુનિશ્ચિત કરવાનો ઉદ્દેશ છે.