રાશન કાર્ડ ધારકો સાવધાન: આવક મર્યાદા નિયમ અને ઈ-કેવાયસી પૂર્ણ નહીં કરનારાઓના કાર્ડ રદ થશે

રાશન કાર્ડ ધારકો માટે એક મહત્વપૂર્ણ સમાચાર સામે આવ્યા છે. સરકાર દ્વારા નક્કી કરવામાં આવેલા નિયમો અનુસાર, જો કોઈ પરિવારની વાર્ષિક આવક નિર્ધારિત મર્યાદા કરતાં વધુ હશે તો તેમનું રાશન કાર્ડ રદ કરવામાં આવશે. આ ઉપરાંત, ખોટી માહિતી આપીને મેળવેલા અથવા નિયમોનું પાલન ન કરતા કાર્ડ ધારકો સામે પણ કાર્યવાહી કરવામાં આવશે.

નવા નિયમો અનુસાર, રાશન કાર્ડ મેળવવા માટે શહેરી અને ગ્રામીણ વિસ્તારો માટે અલગ-અલગ આવક મર્યાદા નક્કી કરવામાં આવી છે. જેમાં શહેરી વિસ્તારના પરિવારો માટે વાર્ષિક આવક મર્યાદા ત્રણ લાખ રૂપિયા અને ગ્રામીણ વિસ્તારના પરિવારો માટે વાર્ષિક આવક મર્યાદા બે લાખ રૂપિયા નક્કી કરવામાં આવી છે. આ મર્યાદાથી વધુ આવક ધરાવતા પરિવારોના રાશન કાર્ડ રદ કરી દેવામાં આવશે.

આવક મર્યાદા ઉપરાંત અન્ય કેટલાક કારણોસર પણ રાશન કાર્ડ રદ થઈ શકે છે. જો પરિવારમાં કોઈ સભ્ય સરકારી કર્મચારી હોય અથવા આવકવેરો (ઇનકમ ટેક્સ) ભરતો હોય, તો તેમનું રાશન કાર્ડ રદ કરવામાં આવશે. તેમજ જે લોકોએ ખોટી માહિતી આપીને રાશન કાર્ડ મેળવ્યું હશે અથવા હજુ સુધી પોતાનું ઇ-કે.વાય.સી. (e-KYC) પૂર્ણ નથી કર્યું, તેમના રાશન કાર્ડ પણ રદ કરવામાં આવશે.