ਕੋਟਲਾ ਨਿਹੰਗ ਵਿੱਚ ਨਸ਼ੇੜੀ ਨੌਜਵਾਨਾਂ ਨੇ ਗੋਲਕ ਤੋੜੀ, ਚੋਰੀ ਕੀਤੀ

ਰੂਪਨਗਰ, 15 ਸਤੰਬਰ – ਪਿੰਡ ਕੋਟਲਾ ਨਿਹੰਗ ਦੇ ਨਗਰ ਖੇੜਾ ਦੀ ਗੋਲਕ ਸੋਮਵਾਰ ਰਾਤ ਤੋੜੀ ਗਈ ਅਤੇ ਚੜ੍ਹਾਏ ਗਏ ਪੈਸੇ ਚੁੱਕ ਲਏ ਗਏ। ਇਹ ਘਟਨਾ ਰਾਤ ਇਕ ਵਜੇ ਤੋਂ ਪਹਿਲਾਂ ਹੋਈ, ਜਿਸ ਵਿੱਚ ਨਸ਼ੇ ਦੀ ਲਤ ਵਾਲੇ ਨੌਜਵਾਨਾਂ ਨੇ ਧਾਰਮਿਕ ਸਥਾਨ ਨੂੰ ਆਪਣਾ ਨਿਸ਼ਾਨਾ ਬਣਾਇਆ।

ਰੋਜ਼ਾਨਾ ਨਗਰ ਖੇੜਾ ਦੀ ਸੇਵਾ ਕਰਨ ਵਾਲੇ ਇੱਕ ਸੇਵਾਦਾਰ ਨੇ ਦੱਸਿਆ ਕਿ ਰਾਤ 2 ਵਜੇ ਗੋਲਕ ਟੁੱਟੀ ਹੋਈ ਮਿਲੀ, ਭਾਂ ਫਰਸ਼ ‘ਤੇ ਸੁੱਟੀ ਹੋਈ ਸੀ ਅਤੇ ਬਾਕੀ ਚੜ੍ਹਾਵਾ ਚੋਰੀ ਹੋ ਚੁੱਕਾ ਸੀ।

ਪਿੰਡ ਵਾਸੀ ਗੁਰਮੀਤ ਸਿੰਘ, ਸ਼ੇਰ ਸਿੰਘ, ਬੰਤ ਸਿੰਘ, ਜਸਵਿੰਦਰ ਸਿੰਘ, ਲਖਬੀਰ ਸਿੰਘ ਲੱਖਾ, ਨਛੱਤਰ ਸਿੰਘ ਅਤੇ ਅਜਮੇਰ ਸਿੰਘ ਨੇ ਕਿਹਾ ਕਿ ਨਸ਼ੇੜੀ ਨੌਜਵਾਨਾਂ ਨੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ ਅਤੇ ਕੋਟਲਾ ਨਿਹੰਗ ਦੀ ਪੰਚਾਇਤ ਨੂੰ ਉਨ੍ਹਾਂ ‘ਤੇ ਨੱਥ ਪਾਉਣੀ ਚਾਹੀਦੀ ਹੈ।

ਉਹਨਾਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦੀ ਚੱਲ ਰਹੀ ਯੁੱਧ-ਨਸ਼ਿਆਂ ਵਿਰੁੱਧ ਮੁਹਿੰਮ ਨੂੰ ਪਿੰਡ ਵਾਸੀ ਪੂਰਾ ਸਹਿਯੋਗ ਕਰ ਰਹੇ ਹਨ, ਪਰ ਫਿਰ ਵੀ ਨਸ਼ਾ ਬੰਦ ਨਹੀਂ ਹੋ ਸਕਿਆ ਅਤੇ ਨਸ਼ੇੜੀ ਨੌਜਵਾਨ ਚੋਰੀ ਦੀਆਂ ਵਾਰਦਾਤਾਂ ਨੂੰ ਲਗਾਤਾਰ ਅੰਜਾਮ ਦੇ ਰਹੇ ਹਨ।