ભાદરવી બીજના પવિત્ર પર્વ પર દેવંગી આશ્રમમાં ભવ્ય ધાર્મિક ઉજવણી, અમરેલી ધારીમાં

14મી તારીખે ધારી તાલુકાના ખીચા ગામમાં આવેલ દેવંગી આશ્રમમાં ભાદરવી બીજના પવિત્ર પર્વની ઉજવણી માટે ભક્તોની મોટી ભીડ ભેગી થઈ. વહેલી સવારથી આશ્રમ ખાતે શ્રધ્ધાળુઓનો પ્રવાહ રહ્યો, અને તેઓએ આશ્રમમાં દર્શન કરીને ધન્યતા અનુભવી.

ભજન-કીર્તન સહિતના વિવિધ ધાર્મિક કાર્યક્રમો યોજાયા, જેમાં ભક્તોએ ભક્તિભર્યો સંગીત સાંભળ્યો.

દેવંગી આશ્રમના મહંત માધવદાસબાપુના માર્ગદર્શન હેઠળ ઉજવણીમાં આસપાસના ગામો ઉપરાંત દૂર-દૂરથી આવેલા ભક્તોએ પણ ઉત્સાહપૂર્વક ભાગ લીધો.

સમગ્ર આશ્રમ પરિસર ભક્તિ અને શ્રધ્ધાના રંગે રંગાયેલું જોવા મળ્યું, અને ભાદરવી બીજના પવિત્ર પર્વની ઉજવણીથી શ્રધ્ધાળુઓમાં અનેરો ઉત્સાહ જોવા મળ્યો.