ડભોઇમાં વડાપ્રધાન નરેન્દ્ર મોદીના રાષ્ટ્રજીવનના ૨૫ વર્ષ ઉજવવા બાઈક રેલીનું ઉષ્માભર્યું સ્વાગત

ડભોઇ નગરની શિનોર ચોકડી ખાતે વડાપ્રધાન શ્રી નરેન્દ્ર ભાઈ મોદીના રાષ્ટ્રજીવનના ૨૫ વર્ષ પૂર્ણ થવાના અવસરે ‘સેવા સંકલ્પ અભિયાન’ અંતર્ગત ઐતિહાસિક બાઈક રેલીનું ઉષ્માભર્યું સ્વાગત કરવામાં આવ્યું.

આ પ્રસંગે ડભોઇ મતવિસ્તારના ધારાસભ્ય શૈલેષભાઈ મહેતા, રાજ્યમંત્રી પ્રફુલભાઈ પાનસેરિયા, ગુજરાત વિધાનસભાના નાયબ મુખ્ય દંડક અને ડાંગ વિધાનસભાના ધારાસભ્ય વિજયભાઈ આર. પટેલ, વડોદરા જિલ્લા ભાજપ પ્રમુખ બી. જે. બ્રહ્મભટ્ટ, પ્રદેશ યુવા મોરચાના મહામંત્રી ભાવિનભાઈ સીરોયા અને ઉપપ્રમુખ નંદિનીબેન ગઢવી સહિત અનેક રાજકીય નેતાઓ ઉપસ્થિત રહ્યા.

બાઈક રેલી દરમિયાન ‘સેવા, સુશાસન, રાષ્ટ્રભાવના અને રાષ્ટ્રપ્રથમ’ના સંકલ્પનો સંદેશ જનજન સુધી પહોંચાડવાનો પ્રયત્ન કરવામાં આવ્યો. ડભોઇ ખાતે સ્વાગત બાદ રેલી વારાણસી તરફના પોતાના આગળના પ્રવાસ માટે રવાના થઈ.

રેલીમાં જોડાયેલા અનેક ભાજપ કાર્યકરો, યુવાનો અને નગરજનો બાઈક અને એક્ટિવા સાથે ઉત્સાહભર્યા માહોલમાં ભાગ લીધો, જેનાથી કાર્યકરોમાં ઉત્સાહની છાપ છવાઈ.