ગોપાલગ્રામમાં વરસાદની અછતથી કપાસનો પાક નિષ્ફળ, ખેડૂતોને આર્થિક નુકસાન

વરસાદની અછતને કારણે ધારી તાલુકાના ગોપાલગ્રામમાં ખેડૂતો મુશ્કેલીમાં મુકાયા છે.

સુરેશભાઈ વાળાએ કપાસનું વાવેતર કર્યું હતું, પરંતુ પૂરતો વરસાદ ન પડતા કપાસનો પાક નિષ્ફળ જતાં ખેતરમાં ઉભેલો પાક પશુઓને ખવડાવવા મજબૂર બન્યા.

ગોપાલગ્રામ તેમજ આસપાસના ગ્રામ્ય વિસ્તારોમાં કપાસ, મગફળી, જુવાર સહિતના વિવિધ પાકોનું વાવેતર કરવામાં આવ્યું છે. વરસાદના અભાવે અનેક વિસ્તારોમાં ખેતી પાકને પૂરતું પાણી ન મળતા પાક સુકાઈ જવાની સ્થિતિ સર્જાઈ છે.

ખેડૂતો દ્વારા સરકાર તરફથી પાક નુકસાનીનો સર્વે કરી યોગ્ય સહાય આપવામાં આવે તેવી માંગ ઉઠી છે.