સાબરકાંઠા જિલ્લાના-:હિંમતનગરમાં ભારે વરસાદથી નીચાણવાળા વિસ્તારોમાં પાણી ભરાવાની સમસ્યા..

હિંમતનગર શહેરમાં ભારે વરસાદના પગલે નીચાણવાળા વિસ્તારોમાં વરસાદી પાણી ભરાઈ ગયું છે, જેના કારણે રસ્તાઓમાં પાણી ભરાઈ રહ્યું છે અને લોકો મુશ્કેલીમાં છે.

સહકારીથી છાપરિયા વિસ્તાર તરફના માર્ગ પર વરસાદી પાણી ભરાતા વાહનચાલકો અને સ્થાનિકોને ભારે મુશ્કેલીનો સામનો કરવો પડી રહ્યો છે. રસ્તા પર પાણી ભરાઈ જતાં અવરજવરમાં પણ અવરોધ સર્જાઈ રહ્યો છે.

વરસાદી પાણીના યોગ્ય નિકાલની વ્યવસ્થા ન હોવાના કારણે સ્થાનિકોએ પાલિકામાં અનેક વખત રજૂઆત કરી છે, પરંતુ હજુ સુધી કાયમી નિરાકરણ આવ્યું નથી. આથી લોકોમાં રોષ અને નિરાશા વધી રહી છે.

સ્થાનિકોએ તંત્ર પાસે વરસાદી પાણીના નિકાલ માટે કાયમી વ્યવસ્થા કરવાની માંગ કરી છે અને પાલિકા દ્વારા કરવામાં આવતા દાવાઓ સામે સવાલો ઉઠી રહ્યા છે.