અમદાવાદની સાબરમતીમાંથી તરતા હાડપિંજર બાદ યુવકની લાશ મળી: હાથમાં ફોન નંબર સાથે લખ્યું- મેરે પાપા કો મેરી બોડી પહોંચા દેના; બંને ઘટના રહસ્યમય

સાબરમતી નદીમાં 13 સપ્ટેમ્બર સવારે 10:30 વાગ્યે એક યુવકની તરતી લાશ દેખાઈ. ફાયર અને પોલીસની રિવરફ્રન્ટ ટીમ તાત્કાલિક સ્થળ પર પહોંચી અને લાશ બહાર કાઢી.

લાશની તપાસ દરમિયાન હાથમાં મોબાઈલ નંબર અને હિન્દીમાં લખાયેલ 'મેરે પાપા કો મેરી બોડી પહોંચા દેના' લખાણ મળ્યું. પોલીસએ મોબાઈલ નંબર પર મૃતકના પિતાને જાણ કરી અને મૃતદેહ સોંપવાની વ્યવસ્થા કરી.

મૃત યુવકનું નામ રોહિત પ્રજાપતિ હોવાનું જાણવા મળ્યું, જે ડુંગરપુર, રાજસ્થાનનો રહેવાસી છે. પોલીસએ પરિવારને ફોન કરીને માહિતી આપી અને મૃતદેહને પોસ્ટમોર્ટમ માટે ખસેડ્યું.

હાલમાં તપાસ ચાલી રહી છે કે યુવકે આત્મહત્યા કરી કે અન્ય કોઈ કારણ છે. પોલીસ તપાસના ભાગરૂપે મૃતદેહની તપાસ અને કારણ નિર્ધારિત કરવા માટે પગલાં લઈ રહી છે.

ગઈકાલે નદીમાંથી મળેલા હાડપિંજરની પણ ઓળખ બાકી છે. જમાલપુર પાસે નદીમાંથી બહાર કાઢેલા કંકાલના ઉપરના ભાગે થોડા કપડાં હતા અને પોલીસનું અનુમાન છે કે તે 10 દિવસથી જૂનો મૃતદેહ છે.