મંદિરમાંથી ચાંદીના ત્રિશૂળ, ચાંદીનું માતાજીનું વાહન, છત્ર, સોનાના દાંત અને વિવિધ આભૂષણો ચોરી ગયા છે. આ ઉપરાંત તેમણે મંદિરની દાનપેટી તોડીને તેમાંથી પણ મોટી રકમની રોકડ રકમ ઉઠાવી

મુગલપુર મેલડી માતા મંદિર ખાતે રૂ. 25 લાખની ચોરી

બરવાળા તાલુકાના મુગલપુર ગામે આવેલા મેલડી માતા મંદિર ખાતે રૂ. 25 લાખની ચોરી થઈ હોવાના અહેવાલથી ચકચાર મચી છે.

મળતી માહિતી મુજબ મંદિર પરિસરમાંથી મોટી રકમની ચોરી થયાની ઘટના સામે આવી છે. ઘટનાની જાણ થતાં પોલીસ તાત્કાલિક સ્થળ પર પહોંચી તપાસ શરૂ કરી હતી.

પોલીસ દ્વારા મંદિરના CCTV ફૂટેજ સહિતના વિવિધ પુરાવાઓની તપાસ હાથ ધરવામાં આવી રહી છે. ચોરીમાં રોકડ રકમ સહિત ચોક્કસ શું સામાન ગયો છે તેમજ ઘટનામાં કોણ સંડોવાયેલું છે તે અંગે તપાસ ચાલી રહી છે.

પોલીસ તપાસ પૂર્ણ થયા બાદ ચોરી અંગે વધુ વિગતો સામે આવે તેવી શક્યતા છે. ઘટનાને પગલે મુગલપુર સહિત સમગ્ર વિસ્તારમાં ચકચાર મચી છે.