ભરૂચ વેલ્ફેર હોસ્પિટલ દ્વારા હેપ્પી હાર્ટ પ્રિ-સ્કૂલમાં દાંત ચેકઅપ કેમ્પ

ભરૂચ વેલ્ફેર હોસ્પિટલએ હેપ્પી હાર્ટ પ્રિ-સ્કૂલમાં બાળકો માટે દાંત ચેકઅપ કેમ્પનું આયોજન કર્યું, જેથી નાની ઉંમરથી જ દાંતની સ્વચ્છતા અને મૌખિક સ્વાસ્થ્ય અંગે જાગૃતિ વધે.

કેમ્પ દરમિયાન ડૉ. ફરહીન પટેલ (MDS) અને ડૉ. એકતા ઘડિયાળી (BDS) દ્વારા શાળાના બાળકોની દાંતની વિગતવાર તપાસ કરવામાં આવી. તબીબોએ નિયમિત બ્રશિંગ, યોગ્ય દાંતની સંભાળ અને મૌખિક સ્વચ્છતા સંબંધિત મહત્વપૂર્ણ માર્ગદર્શન આપ્યું.

હેપ્પી હાર્ટ પ્રિ-સ્કૂલની પ્રિન્સિપાલ આરેફા મેવાવાલાએ બંને તબીબોને ફૂલોનું બુકે અર્પણ કરીને ઉષ્માભર્યું સ્વાગત કર્યું. શાળા પરિવાર દ્વારા આ આરોગ્યલક્ષી અને સેવાભાવી કાર્યક્રમ માટે તબીબોનો આભાર વ્યક્ત કરવામાં આવ્યો.

આ કેમ્પ દ્વારા બાળકોમાં દાંતની યોગ્ય સંભાળની જાગૃતિ વધારી, ભવિષ્યમાં મૌખિક સ્વાસ્થ્ય સંબંધિત સમસ્યાઓને અટકાવવાની આશા વ્યક્ત કરવામાં આવી.