ବ୍ରହ୍ମପୁର ଷ୍ଟେସନରେ ଗଞ୍ଜେଇର ଗୁପ୍ତ କାରବାର ଫେଲ୍! ୨୭ କେଜି ୭୮୦ ଗ୍ରାମ ଗଞ୍ଜେଇ ଜବତ

ବ୍ରହ୍ମପୁର ଷ୍ଟେସନରେ ଗଞ୍ଜେଇର ଗୁପ୍ତ କାରବାର ଫେଲ୍! ୨୭ କେଜି ୭୮୦ ଗ୍ରାମ ଗଞ୍ଜେଇ ଜବତ, ଜଣେ ଗିରଫ
ବ୍ରହ୍ମପୁର ରେଳ ଷ୍ଟେସନରେ ଗଞ୍ଜେଇ ଚାଲାଣ ଉଦ୍ୟମ ବିଫଳ। ଜିଆରପି ଓ ଆରପିଏଫ୍‌ର ମିଳିତ ନିଶାନିବାରଣ ଟିମ୍ ପ୍ଲାଟଫର୍ମ ନମ୍ବର-୨ରୁ ୨୭ କେଜି ୭୮୦ ଗ୍ରାମ ଗଞ୍ଜେଇ ଜବତ କରିଛି। ଘଟଣାରେ ଗଜପତି ଜିଲ୍ଲା ମୋହନା ଅଞ୍ଚଳର ୨୦ ବର୍ଷୀୟ ବିକାଶ ଜାଗିଲିଙ୍କୁ ଗିରଫ କରାଯାଇଛି। ମୋହନାରୁ ଗଞ୍ଜେଇ ନେଇ ଟ୍ରେନ୍‌ ଯୋଗେ ଶୋଲାପୁର ଯାଇ ସେଠାରେ ବିକ୍ରି କରିବାକୁ ଯୋଜନା ଥିବା ପୋଲିସ ସୂଚନା ଦେଇଛି। ତାଙ୍କ ନିକଟରୁ ମୋବାଇଲ୍ ଫୋନ୍ ଓ ଟ୍ରେନ୍ ଟିକେଟ୍ ମଧ୍ୟ ଜବତ ହୋଇଛି।