થાણાપીપળી, વંથલીમાં લોકડાયરામાં ચંદ્રેશ ગઢવીની મનમોહક રજૂઆત

વંથલી તાલુકાના થાણાપીપળી ગામમાં શ્રી વલ્લભ ગૌ સંસ્કૃતિ ધામ ખાતે માહિતી ખાતા દ્વારા ભારતની સમૃદ્ધ લોકસાહિત્ય પરંપરા અને લોકસંસ્કૃતિને જીવંત રાખવાના હેતુથી ભવ્ય લોકડાયરાનું આયોજન કરવામાં આવ્યું.

પ્રસિદ્ધ લોકસાહિત્યકાર ચંદ્રેશ ગઢવી પોતાની આગવી રજૂઆત શૈલી દ્વારા લોકગાથાઓ, લોકગીતો અને વિવિધ પ્રસંગોની રસપ્રદ કથાઓ રજૂ કરી, જેમાં લોકસાહિત્યનો રસ અને સંસ્કૃતિની સુગંધનો અનોખો સમન્વય જોવા મળ્યો.

ગઢવીની રજૂઆત દરમિયાન ઉપસ્થિત શ્રોતાઓ મંત્રમુગ્ધ બન્યા, અને સમગ્ર ધામ લોકસંસ્કૃતિના રંગે રંગાઈ ગયો. આ કાર્યક્રમ દ્વારા ગ્રામ્ય વિસ્તારોમાં લોકસાહિત્ય પ્રત્યે જાગૃતિ ફેલાવવાનો મહત્વપૂર્ણ પ્રયાસ કરવામાં આવ્યો.

લોકડાયરાએ "લોકસાહિત્ય જીવંત રહેશે તો લોકસંસ્કૃતિ જીવંત રહેશે"નો સંદેશ આપ્યો, જે ભવિષ્યની પેઢીને આ સમૃદ્ધ વારસો પહોંચાડવાના હેતુને મજબૂત કરે છે.