મોરબી કલેક્ટર સ્વપ્નિલ ખરે દ્વારા આરટીઓ કચેરીની મુલાકાત અને કામગીરીનું નિરીક્ષણ..

મોરબી, 5 સપ્ટેમ્બર: મોરબી કલેક્ટર સ્વપ્નિલ ખરે આ દિવસે આરટીઓ કચેરીની મુલાકાત લઈને કચેરીમાં ચાલી રહેલી વિવિધ કામગીરીનું નિરીક્ષણ કર્યું.

મુલાકાત દરમિયાન કાચા લાયસન્સની પ્રક્રિયા, કચેરીની મહેકમ અને રોજબરોજની કામગીરી તેમજ એ.આઈ.બેઈઝ ડ્રાઇવિંગ ટેસ્ટ ટ્રેકની કામગીરીનું વિગતવાર નિરીક્ષણ કરવામાં આવ્યું.

આરટીઓ અધિકારી તપન મકવાણા અને ઉપસ્થિત કર્મચારીઓ સાથે કચેરીની દૈનિક કામગીરી અંગે ચર્ચા કરી, અરજદારોને સરકારી સેવાઓની ઝડપ અને સરળતા માટે ખાસ સૂચનો આપવામાં આવ્યા.

ઓનલાઈન અરજીઓમાં કોઈ અડચણ આવે તો યોગ્ય માર્ગદર્શન અને સહાય પૂરી પાડવા, તેમજ કચેરીના કમ્પાઉન્ડમાં નિયમિત સફાઈ જાળવવા માટે પણ જરૂરી પગલાં લેવામાં આવ્યા.