માતૃભાષા, સાહિત્ય અને વાંચનની સંસ્કૃતિના સંવર્ધન માટે અનોખી પહેલ

સમાજમાં વાંચનની ટેવને પુનઃજીવંત કરવાના ઉમદા હેતુથી શ્રી અરવિંદ કેન્દ્ર, સેક્ટર-૨૩, ગાંધીનગર ખાતે તા. ૬ સપ્ટેમ્બર, ૨૦૨૬ ના રોજ ‘પુસ્તક પરબ’ નો ભવ્ય પ્રારંભ કરવામાં આવ્યો હતો.

શ્રી અરવિંદ કેન્દ્ર અને માતૃભાષા અભિયાનના સંયુક્ત ઉપક્રમે આ પુસ્તક પરબનું આયોજન કરવામાં આવ્યું હતું. સમગ્ર આયોજનને સફળ બનાવવા શ્રીમતી પારુલબેન મહેતા, સુશ્રી અનિતાબેન ચાવડા, શ્રીમતી રીંકુબેન ઉપાધ્યાય તથા શ્રીમતી એકતાબેન યાજ્ઞિકે મહત્વપૂર્ણ સહયોગ આપ્યો હતો.
આ ડિજિટલ યુગમાં ટેક્નોલોજી અને સોશિયલ મીડિયાના વધતા પ્રભાવ વચ્ચે નવી પેઢીને પુસ્તકો સાથે જોડવી અને વાંચનની ટેવ વિકસાવવી સમયની મહત્વપૂર્ણ જરૂરિયાત છે.
શ્રી અરવિંદ કેન્દ્ર ખાતે શરૂ થયેલા આ પુસ્તક પરબને પ્રથમ દિવસે મળેલો ઉત્સાહપૂર્ણ પ્રતિસાદ વાંચનપ્રેમીઓ માટે આશાસ્પદ બની રહ્યો છે.