નવજીવનથી પાસોદરા રોડ પર બેફામ દોડતી ટ્રક: નંબર પ્લેટ છુપાવવા કપડું અને કાદવ લગાવ્યો, લોકોએ પીસીઆર બોલાવી ડો

નવજીવનથી પાસોદરા રોડ પરથી પસાર થતા વાહનચાલકો અને સ્થાનિક લોકોમાં ભારે રોષ જોવા મળ્યો હતો, જ્યારે એક ટ્રક ચાલક પોતાની ટ્રક બેફામ અને મનફાવે તેમ ચલાવી રહ્યો હતો. આ બેદરકાર ડ્રાઇવિંગને કારણે માર્ગ પરથી પસાર થતા અન્ય વાહનચાલકોના જીવ જોખમમાં મુકાયા હતા.

સ્થાનિક લોકોના જણાવ્યા અનુસાર, આ ટ્રકની નંબર પ્લેટ સ્પષ્ટ દેખાય નહીં તે માટે તેના પર જાણીજોઈને કપડું બાંધવામાં આવ્યું હતું અને ગારો (કાદવ) લગાવી દેવામાં આવ્યો હતો. આ પ્રકારની કરતૂત પાછળનો હેતુ કોઈ અકસ્માત કે નિયમભંગના કિસ્સામાં ઓળખ છુપાવવાનો હોઈ શકે છે.

ટ્રક ચાલકની આ જોખમી અને શંકાસ્પદ પ્રવૃત્તિ જોઈને ત્યાં હાજર જાગૃત જનતાએ તાત્કાલિક પોલીસ કંટ્રોલ રૂમનો સંપર્ક કર્યો હતો. લોકોએ ઘટનાસ્થળે પીસીઆર (PCR) વાનને બોલાવી હતી અને આ મામલે કાયદેસરની કાર્યવાહી કરવા માટે રજૂઆત કરી હતી.