બગસરા ડેપોમાં મહિલા કંડકટર કુંજલબેન મારૂને સસ્પેન્ડ, કર્મચારીઓમાં ફફડાટ

બગસરા એસ.ટી. ડેપોમાં મહિલા કંડકટર કુંજલબેન મારૂને સસ્પેન્ડ કરવામાં આવ્યા છે. ડેપો મેનેજર નિમિષાબા ગઢવીએ જણાવ્યું કે, સોમવારે બપોરે ૧૩:૪૫ની ધારી-બગસરા-રાજકોટ એક્સપ્રેસ બસમાં ૧૪:૦૦ કલાકની બસના કંડકટરને મોકલી આ બસને રદ કરવાની ફરજ પડી, જે ૪૫ મિનિટ મોડી ઉપડેલ હતી.

બસની આ વિલંબથી મુસાફરોની ફરિયાદો ઉઠી અને નિગમની પ્રતિષ્ઠાને નુકસાન થયું. કુંજલબેન મારૂને આ બેદરકારી બદલ સસ્પેન્ડ કરવામાં આવ્યા અને સસ્પેન્શન દરમિયાન ડેપોમાં હાજરી પુરાવવાની રહેશે.

આમ, માત્ર એક અઠવાડિયામાં કંડકટર જયેશ મુંધવા, ભરત ભાંગરા અને હવે કુંજલબેન મારૂને સસ્પેન્ડ કરવામાં આવ્યા છે, જેના કારણે કર્મચારીઓમાં ફફડાટ ફેલાયો છે.