ગારિયાધારમાં લાખોની ચોરીનો ભેદ ગણતરીના કલાકોમાં ઉકેલાયો | નાની વાવડીના આરોપીની ધરપકડ

ભાવનગરના ગારિયાધારમાં લાખોની ચોરીનો ભેદ પોલીસે ગણતરીના કલાકોમાં ઉકેલી આરોપીની ધરપકડ કરી છે. નાની વાવડી ગામની કોમલબેન પાર્થભાઈ કોરાટની રૂ. 24,59,730ની માલમત્તા ભરેલી બેગ ચોરાઈ હતી.
ફરિયાદ બાદ ગારિયાધાર પોલીસે ટેકનિકલ સહિતની તપાસ હાથ ધરી હતી. તપાસ દરમિયાન કલ્પેશ ઉર્ફે કલો નાનુભાઈ મકવાણા પર શંકા જતા પોલીસે તેને ઝડપી પાડ્યો હતો.
આરોપી પાસેથી રૂ. 23,29,733ના દાગીના, રૂ. 1,30,000 રોકડ અને રૂ. 80,000ની રિક્ષા સહિત કુલ રૂ. 25,39,733નો મુદ્દામાલ કબજે કરવામાં આવ્યો છે.
ગારિયાધાર પોલીસની ઝડપી કામગીરીથી લાખોની ચોરીનો ભેદ ઉકેલાયો.