નવસારી: મોપેડ પર દારૂ લઈ જતી મહિલાનો વીડિયો વાયરલ, પોલીસે તપાસ હાથ ધરી

નવસારી જિલ્લામાં દારૂબંધીના કાયદાનો ખુલ્લેઆમ ભંગ થતો હોવાના કિસ્સાઓ સામે આવી રહ્યા છે. તાજેતરમાં મરોલી ઉભરાટ રોડ પર એક મહિલા મોપેડ પર દારૂનો જથ્થો લઈ જતી હોવાનો વીડિયો વાયરલ થયો છે. આ ઘટનાએ ફરી એકવાર જિલ્લામાં દારૂના વેચાણ અને તેની પહોંચ અંગે પ્રશ્નો ઊભા કર્યા છે.

પ્રાપ્ત માહિતી અનુસાર, ગામના કેટલાક યુવકોએ શંકાસ્પદ રીતે મોપેડ પર જતી એક મહિલાને રોકી હતી. જ્યારે યુવાનોએ તેની પૂછપરછ કરી ત્યારે મોપેડ પર દારૂ હોવાનો ઘટસ્ફોટ થયો હતો. યુવાનો દ્વારા આ ઘટનાનો વીડિયો બનાવીને સોશિયલ મીડિયા પર પોસ્ટ કરવામાં આવતા તે ઝડપથી વાયરલ થયો હતો.

આ વીડિયો વાયરલ થયા બાદ સ્થાનિક લોકોમાં પણ ચર્ચાનો વિષય બન્યો છે. કેટલાક લોકોએ ગામમાં ખુલ્લેઆમ દારૂ મળતો હોવાનો આક્ષેપ પણ કર્યો છે. આ સમગ્ર મામલે મરોલી પોલીસે મહિલાની ધરપકડ કરવાની તજવીજ હાથ ધરી છે અને વધુ તપાસ હાથ ધરી છે.