દિલ્હીમાં પાકિસ્તાન માટે જાસૂસી કરતું દંપતી ઝડપાયું, દેશની સુરક્ષા સાથે ચેડાંનો પર્દાફાશ

દિલ્હી પોલીસે પાકિસ્તાનની ગુપ્તચર સંસ્થા ISI ના એક મોટા જાસૂસી નેટવર્કનો પર્દાફાશ કર્યો છે. દેશની સુરક્ષા એજન્સીઓની ઊંઘ ઉડાડી દેનારા આ ઓપરેશનમાં પોલીસે સાહિલ અને સમીરા નામના દંપતીની ધરપકડ કરી છે.

પોલીસ તપાસમાં થયેલા ખુલાસા મુજબ, આ દંપતી વર્ષ ૨૦૨૪ થી ISI માટે સક્રિય રીતે કામ કરી રહ્યું હતું. તેઓ સોશિયલ મીડિયાના માધ્યમથી સીધા પાકિસ્તાની હેન્ડલર્સના સંપર્કમાં હતા. સૌથી ચોંકાવનારી બાબત એ છે કે આ દંપતી ભારતીય સેના સાથે જોડાયેલી અત્યંત સંવેદનશીલ અને ખાનગી માહિતી પાકિસ્તાન સુધી પહોંચાડતું હતું.

હાલ દિલ્હી પોલીસ આ દંપતીની કડક પૂછપરછ કરી રહી છે અને આ દેશવિરોધી નેટવર્કમાં અન્ય કોણ કોણ સામેલ છે તેની સઘન તપાસ ચાલી રહી છે.