ભરૂચમાં નેશનલ સુગર ફેડરેશનના ચેરમેન ઈશ્વરસિંહ પટેલએ ખાંડની અછત ન હોવાનો ખુલાસો

ભરૂચમાં નેશનલ સુગર ફેડરેશનના ચેરમેન અને ધારાસભ્ય ઈશ્વરસિંહ પટેલ તેમજ ઉપચેરમેન કેતન પટેલે ખાંડની કિંમતોમાં વધારો અંગે મહત્વપૂર્ણ નિવેદન આપ્યું. તેમણે જણાવ્યું કે દેશમાં ખાંડની કોઈ વાસ્તવિક અછત નથી, બજારમાં માત્ર કૃત્રિમ અછત ઊભી કરવામાં આવી રહી છે.

દેશમાં વાર્ષિક 267 લાખ ટન ખાંડનું વપરાશ થાય છે, જ્યારે 320 લાખ ટન ખાંડનું ઉત્પાદન થાય છે, જે દર્શાવે છે કે ઉત્પાદન માંગને પૂરતું છે.

ગુજરાતની સુગર ફેક્ટરીઓમાં 18 લાખ ક્વિન્ટલથી વધુ ખાંડનો સ્ટોક ઉપલબ્ધ છે, જે રાજ્યમાં પૂરતો જથ્થો સુનિશ્ચિત કરે છે.

15 ઓક્ટોબરથી નવી પિલાણ સીઝન શરૂ થાય છે, અને આ સાથે બજારમાં નવો ખાંડનો જથ્થો આવવાની અપેક્ષા છે.

આથી ખાંડની કિંમતોમાં થયેલ વધારો કૃત્રિમ અછતને કારણે છે, અને પૂરતા પુરવઠા સાથે ભાવમાં સ્થિરતા આવવાની શક્યતા છે.