મંગળપુર ખાતે હોમગાર્ડ તાલીમ કેન્દ્ર માટે રૂ. ૫ કરોડની વહીવટી મંજૂરી

મહુધા વિધાનસભાના મંગળપુર ખાતે હોમગાર્ડ તાલીમ કેન્દ્રની સ્થાપના માટે રાજ્ય સરકાર દ્વારા રૂ. ૫ કરોડની વહીવટી મંજૂરી આપવામાં આવી છે. આ નિર્ણયથી મંગળપુર અને આસપાસના વિસ્તારોના યુવાનોને હોમગાર્ડ દળમાં જોડાવા માટે જરૂરી તાલીમ મેળવવાની ઉત્તમ સુવિધાઓ ઉપલબ્ધ થશે.

આ નવી સુવિધા સ્થાપિત થવાથી હોમગાર્ડ દળની કાર્યક્ષમતામાં પણ વધારો થવાની અપેક્ષા છે. યુવાનોને વ્યવસાયિક તાલીમ આપીને તેમને દેશસેવા માટે સક્ષમ બનાવવામાં આવશે, જે એક મહત્વપૂર્ણ પગલું ગણી શકાય.

મહુધા વિધાનસભાની જનતાએ આ વિકાસલક્ષી નિર્ણય બદલ રાજ્યના મુખ્યમંત્રી શ્રી ભૂપેન્દ્રભાઈ પટેલ, નાયબ મુખ્યમંત્રી શ્રી હર્ષભાઈ સંઘવી અને રાજ્યમંત્રી શ્રી કમલેશભાઈ પટેલનો હૃદયપૂર્વક આભાર વ્યક્ત કર્યો છે.