વિરમગામમાં આગામી તહેવારોને લઈ પોલીસનું ફૂટ પેટ્રોલિંગ

વિરમગામમા આગામી તહેવારોને ધ્યાનમાં રાખીને વિરમગામ ટાઉન પોલીસ દ્વારા શહેરના વિવિધ માર્ગો પર ફૂટ પેટ્રોલિંગ હાથ ધરવામાં આવ્યું હતું.
ઈદે મિલાદ, રક્ષાબંધન તેમજ સાતમ-આઠમ જેવા પર્વોને લઈને શહેરમાં કાયદો અને વ્યવસ્થા જળવાઈ રહે તથા લોકોમાં સુરક્ષાની ભાવના વધુ મજબૂત બને તે હેતુસર પોલીસ દ્વારા પેટ્રોલિંગ કરવામાં આવ્યું હતું.
પોલીસના ફૂટ પેટ્રોલિંગ દરમિયાન શહેરના મુખ્ય માર્ગો અને જાહેર સ્થળોએ પોલીસની હાજરી જોવા મળી હતી. આગામી તહેવારો દરમિયાન શાંતિપૂર્ણ માહોલ જળવાઈ રહે તે માટે પોલીસ તંત્ર દ્વારા તકેદારીના પગલાં લેવામાં આવી રહ્યા છે.
રિપોર્ટર.
આસીકઅલી ગીલાણી વિરમગામ