જામનગરના દરિયાકાંઠે હાઈ એલર્ટ, મરીન કમાન્ડો દ્વારા સઘન પેટ્રોલિંગ

વેસ્ટ એશિયામાં તણાવ વધતા, જામનગરના દરિયાકાંઠા વિસ્તારોને હાઈ એલર્ટ પર મૂકવામાં આવ્યા છે. મરીન કમાન્ડોની ટીમો દ્વારા તાત્કાલિક સુરક્ષા પગલાં લેવામાં આવ્યા છે, જેથી કોઈપણ અણધારી ઘટના રોકી શકાય.

રોઝી બંદર, નવો-જૂનો બેડી બંદર, માધાપર ભુંગા અને જોડિયા ભુંગા જેવા સંવેદનશીલ વિસ્તારોમાં સઘન પેટ્રોલિંગ અને ચેકિંગ કરવામાં આવી રહી છે. આ વિસ્તારોમાં મરીન કમાન્ડો દ્વારા નિયમિત ગશ્તી અને તપાસ કરવામાં આવી રહી છે.

ફિશ લેન્ડિંગ પોઈન્ટ, જેટી, માછીમારી કેન્દ્રો, ઔદ્યોગિક અને અવાવરું વિસ્તારોમાં શંકાસ્પદ હિલચાલ પર ખાસ નજર રાખવામાં આવી રહી છે. માછીમારોને વિનંતી કરવામાં આવી છે કે કોઈ અજાણી બોટ કે શંકાસ્પદ વ્યક્તિ દેખાય તો તાત્કાલિક પોલીસને જાણ કરે.

રાષ્ટ્રીય સુરક્ષાને ધ્યાનમાં રાખીને દરિયાઈ સુરક્ષા વધુ મજબૂત બનાવવા માટે પગલાં લેવામાં આવ્યા છે, જેથી પ્રદેશમાં શાંતિ અને સુરક્ષા જળવાઈ રહે.