આમોદ જંબુસર દેણવા ડોલીયા બ્રિજ ઉદ્ઘાટન કયું

દેણવા-ડોલીયા હાઇ લેવલ બ્રિજનું લોકાર્પણ

આમોદ/જંબુસર: આમોદ અને જંબુસર તાલુકાના દેણવા-ડોલીયા ગામોને જોડતા મહત્વાકાંક્ષી હાઇ લેવલ બ્રિજનું લોકાર્પણ કરવામાં આવ્યું હતું. આમોદ-જંબુસર વિધાનસભાના ધારાસભ્ય ડી.કે. સ્વામીના હસ્તે રિબન કાપીને બ્રિજનું લોકાર્પણ કરાયું હતું.

આ બ્રિજનું નિર્માણ અંદાજે રૂ. 66 કરોડના ખર્ચે કરવામાં આવ્યું છે. 20 મીટરના 36 ગાળા, કુલ 720 મીટર લંબાઈ અને 11 મીટર પહોળાઈ ધરાવતા આર.સી.સી. ટી-બીમ ડેક સ્લેબવાળા આ બ્રિજનું નિર્માણ કરવામાં આવ્યું છે.

હાલમાં બ્રિજને ટુ-વ્હીલર અને લાઇટ ફોર-વ્હીલર વાહનો માટે ખુલ્લો મુકવામાં આવ્યો છે. બ્રિજ શરૂ થતાં દેણવા-ડોલીયા સહિત આસપાસના ગામોના લોકો તેમજ દૈનિક અપડાઉન કરતા નોકરીયાત વર્ગને અવરજવરમાં મોટી રાહત મળશે. સ્થાનિક લોકોમાં પણ બ્રિજ શરૂ થવાથી ખુશીની લાગણી જોવા મળી હતી.

રિપોર્ટર: તુલસીદાસ
તારીખ: 23/08/2026, રવિવાર