સુરતના ખટોદરામાં બ્લીન્કીટના ગોડાઉન પર આરોગ્ય વિભાગના દરોડા, ગંદકી મળતા દંડ ફટકારાયો

રવિવારે પણ સુરત મહાનગરપાલિકાના આરોગ્ય વિભાગ દ્વારા ખાદ્ય સુરક્ષાને લઈને સઘન ચેકિંગ અભિયાન ચલાવવામાં આવ્યું હતું. આ દરમિયાન સુરતના ખટોદરા વિસ્તારમાં આવેલા બ્લીન્કીટના ગોડાઉન પર આરોગ્ય વિભાગની ટીમે ઓચિંતી તપાસ હાથ ધરી હતી.

તપાસ દરમિયાન ગોડાઉનમાં રાખવામાં આવેલા ખાદ્ય પદાર્થોમાં ગંદકી અને જીવાણુઓ જોવા મળ્યા હતા. ખાદ્ય સુરક્ષાના નિયમોનું ઉલ્લંઘન થતું જણાતા તંત્ર દ્વારા તાત્કાલિક અસરથી કાર્યવાહી કરવામાં આવી હતી.

આરોગ્ય વિભાગે ગોડાઉન સંચાલકોને નોટિસ ફટકારી હતી અને નિયમોના ભંગ બદલ ૧૧,૦૦૦ રૂપિયાનો દંડ વસૂલ્યો હતો. શહેરમાં ખાદ્ય સુરક્ષા અને સ્વચ્છતા જાળવવા માટે તંત્ર દ્વારા સતત કાર્યવાહી કરવામાં આવી રહી છે.