અમદાવાદ: ઇદે ઉલ મિલાદૂ નબીના તહેવારને અનુલક્ષીને પોલીસનું ફૂટ પેટ્રોલિંગ

આગામી ઇદે ઉલ મિલાદૂ નબીના તહેવારને ધ્યાનમાં રાખીને અમદાવાદ શહેર પોલીસ દ્વારા સુરક્ષા વ્યવસ્થા સઘન બનાવવામાં આવી છે. આ અનુસંધાને ડી.સી.પી ઝોન 5 ના અધિકારીઓ અને પોલીસ કાફલા દ્વારા તહેવારના સમગ્ર રૂટ પર ફૂટ પેટ્રોલિંગ હાથ ધરવામાં આવ્યું હતું.

પોલીસ દ્વારા કરવામાં આવેલી આ કામગીરીનો મુખ્ય ઉદ્દેશ્ય તહેવાર દરમિયાન શહેરમાં શાંતિ અને સુરક્ષા જાળવી રાખવાનો છે. ફૂટ પેટ્રોલિંગ દરમિયાન પોલીસ અધિકારીઓએ રૂટનું નિરીક્ષણ કર્યું હતું અને સંવેદનશીલ વિસ્તારોમાં સુરક્ષાની સ્થિતિની સમીક્ષા કરી હતી.

અમદાવાદ શહેર પોલીસ દ્વારા તહેવારના શાંતિપૂર્ણ આયોજન માટે તમામ તૈયારીઓ પૂર્ણ કરી લેવામાં આવી છે. નાગરિકોની સુરક્ષા માટે પોલીસ સતત તૈનાત રહીને કાયદો અને વ્યવસ્થાની સ્થિતિ પર બાજ નજર રાખી રહી છે.